2025-жылы Ош облусунда 100850 даана акылдуу электр эсептегич орнотулат
7 Февраль 2025 ж.
“КУЭТ” ААКтын филиалы - Ош электр тармактары ишканасы тарабынан быйылкы жылга карата 100850 даана акылдуу электр эсептегичтери (АИСКУЭ) орнотулат. Анын ичинен Араван РЭТине 27000 даана, Ош шаарына 27850 даана, Өзгөн районуна 46000 даана эсептегич коюлат.
2024-жылы Ош шаарынын Батыш аймагындагы жер үйлөргө толугу менен орнотулуп бүткөн, быйылкы жылы Ош шаарынын Чыгыш аймагындагы жер үйлөргө толук коюлуп бүткөрүлөт. Ошондой эле, Араван, Өзгөн районундагы калк керектөөчүлөрүнө да толугу менен орнотулат.
Бүгүнкү күндө, 1-этап менен Ош электр тармактары ишканасына бөлүнгөн 7185 даана 1 фазалуу, жана 1313 даана 3 фазалуу электр эсептегичтерди орнотуу иштери кызуу жүрүп жатат.
Акылдуу электр эсептегичтерди орнотуунун максаты жана артыкчылыктары:
үзгүлтүксүз электр энергиясы менен камсыз кылат.
берилген электр энергиясынын сапатын жогорулатат.
коррупцияны жоюуга жардам берет.
электр жабдууларын ашыкча жүктөөдөн сактайт.
реалдуу убакыт режиминде көрсөткүчөрдү серверге автоматтык түрдө берет;
чектен ашкан учурда электр энергиясын автоматтык түрдө өчүрөт.
дебитордук карыз үчүн автоматтык түрдө өчүрүлөт жана төлөм жүргүзүлгөндөн кийин автоматтык түрдө кошулат.
эсептегичтин иштешине сырттан тоскоолдук кылуу аракеттери жөнүндө автоматтык түрдө билдирет.
