Директор Ноокат РЭТиндеги аткарылып жаткан жумуштар менен жеринен таанышты
7 Март 2025 ж.
“КУЭТ” ААКтын филиалы - Ош электр тармактары ишканасынын директору Тилек Жолдубай уулу Ноокат РЭТинде болуп, энергетиктерден кабар алды.
Директор Кыргыз Республикасынын Энергетика министри Таалайбек Ибраевдин тапшырмасы менен 2025-жылдын иш планына киргизилген “Абшыр” көмөк чордонунун курулуш иштерин баштоо боюнча жеринен таанышты. Учурда аталган долбоорду ишке ашыруу үчүн жер аянты аныкталып, тиешелүү укуктук документтер расмий түрдө катталган. Бүгүнкү күндө, мамлекеттик архитектура ишканасы менен макулдашуу жүрүп жатат.
Көмөк чордонду куруу жөнүндөгү маселе 1-Элдик Курултайда көтөрүлүп, Энергетика министринин тапшырмасы менен быйылкы жылы куруу иштери башталды.
Бул стратегиялык чечим электр тармактарынын топологиясын оптималдаштырууга, 10/0,4 кВ тармактарында электр энергиясын жеткирүү, аралыкты кыскартууга жана калкты ишенимдүү, туруктуу электр энергиясы менен камсыздоого мүмкүнчүлүк түзөт.
Мындан тышкары Тилек Жолдубай уулу Райондук электр тармактарынын энергетиктерине жыйын өтүп, РЭТ кызматкерлеринин көйгөй, маселелерин угуп, тийиштүү тапшырмаларды берди. РЭТтин адмнистративдик имаратынын, трансформатордук цехтин абалы менен таанышып, реконструкциядан өтүү керектигин, күз-кыш мезгилдерине карата даярдык көрүү, капиталдык курулуш иштери боюнча жана электр энергиясын сатуу кызматкерлерине РТП-3 программасынын аткарылышы боюнча белгиленген мөөнөткө аяктоо боюнча тийиштүү тапшырмаларды берди.
Жыйынга Ош электр тармактары ишканасынын директорунун коммерциялык иштер боюнча орун басары Нурбек Абдыкадыров, капиталдык курулуш иштери боюнча орун басары Улан Мамасадыков, РЭТ жетекчилиги жана кызматкерлери катышышты.
