Ош облусу боюнча 81 даана көмөк чордон оңдоп-түзөөдөн өткөрүлөт
13 Март 2025 ж.
Ош электр тармактары ишканасынын “Көмөк чордондор” кызматы тарабынан Ош облусунда электр тармактарын туруктуу жана үзгүлтүксүз камсыздоо максатында 2025-жылы жалпы 81 даана 220/110/35/10-6 кВ көмөк чордон оңдоп-түзөөдөн өткөрүлөт. Бул иштер облус боюнча электр энергиясы менен камсыздоонун сапатын жогорулатууга багытталат.
Жогорку чыңалуудагы көмөк чордондор кызматы “Түштүк” тайпасы Ош, Кара-Суу, Алай, Чоң-Алай райондорунунда жайгашкан 23 көмөк чордондо ремонт иштерин аткарат.
Ал эми Кара-Суу тайпасы тарабынан Өзгөн, Кара-Кулжа райондорунун аймагындагы 27 көмөк чордондо ремонт иштери жүргүзүлөт.
Манас-Ата тайпасы тарабынан быйылкы жылы Ош, Кара-Суу, Араван, Ноокат райондорунда жайгашкан 28 көмөк чордондордо ремонт жасалат.
Муну менен катар Ош тайпасы Ноокат, Араван райондорундагы жана Ош шаарындагы 14 көмөк чордондорду оңдоп-түзөөдөн өткөрөт.
2025-2026-жылдагы күз-кыш мезгилине карата пландалган иштер белгиленген графикке ылайык, ушул жылдын март айынан тарта ноябрь айына чейин жүргүзүлөт. Ремонт иштерине керектелүүчү жабдыктар “КУЭТ” ААК тарабынан каржыланат.
Жергиликтүү тургундарга убактылуу өчүрүүлөр боюнча
oshpes.kg сайтынан алдын ала маалымат берилип, оңдоо иштеринин мөөнөттөрү тууралуу кабардар кылынат.
Эгерде сизде электр энергиясына байланыштуу суроолор болсо күнү-түнү иштөөчү колл-борборго кайрылыңыздар:
Колл-борбору : 105; 1209;
+996 772 00 1209;
+996 702 00 1209
Вотсап: +996 556 00 1209
